Թրամփն Ազգային հետախուզության ղեկավար կնշանակի Գերմանիայում ԱՄՆ-ի դեսպանին
ԵՐԵՎԱՆ, 20 ՓԵՏՐՎԱՐԻ, ԱՐՄԵՆՊՐԵՍ: ԱՄՆ-ի նախագահ Դոնալդ Թրամփը հաստատել Է, որ Գերմանիայում ԱՄՆ-ի դեսպան Ռիչարդ Գրենելին կնշանակի Ազգային հետախուզության տնօրենի պաշտոնակատար: Համապատասխան հայտարարությունը ԱՄՆ-ի ղեկավարը փետրվարի 19-ին արել Է Twitter-ում, տեղեկացնում Է «Արմենպրես»-ը:
«Ուրախ եմ հայտնելու, որ Ռիչարդ Գրենելը կդառնա Ազգային հետախուզության տնօրենի պաշտոնակատար»,- նշել Է Թրամփը: Նա նաեւ շնորհակալություն Է հայտնել ներկայիս պաշտոնակատար Ջոզեֆ Մակգուայրին՝ նշելով որ կցանկանար նրա հետ սերտորեն համագործակցել վարզակազմի այլ պաշտոնատարի կարգավիճակում: ԱՄՆ-ի Ազգային հետախուզության տնօրենի պաշտոնը թափուր Էր մնում այն բանից հետո, երբ 2019 թվականի ամռանը հրաժարական տվեց Դենիել Քոութսը:
ԱՄՆ-ի Ազգային հետախուզության տնօրենը համակարգում Է երկրի բոլոր 16 հետախուզական գերատեսչությունների գործունեությունը, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում