Մխիթարյանը «Ռոմա»-ի ընդհանուր հայտացուցակում է
22:29, 19 Փետրվար 2020
ԵՐԵՎԱՆ, 19 ՓԵՏՐՎԱՐԻ, ԱՐՄԵՆՊՐԵՍ: Հայաստանի ֆուտբոլի ազգային թիմի կիսապաշտպան Հենրիխ Մխիթարյանն ընդգրկվել է «Ռոմա»-ի` Եվրոպայի լիգայի առաջիկա խաղի հայտացուցակում:
«Արմենպրես»-ի հաղորդմամբ` «Ռոմա»-ի գլխավոր մարզիչ Պաուլո Ֆոնսեկան հրապարակել է այն 20 ֆուտբոլիստների անունները, որոնք կմասնակցեն Եվրոպայի լիգայի՝ «Գենտ»-ի դեմ առաջիկա խաղին: Այդ շարքում կա նաև Մխիթարյանի ազգանունը:
Եվրոպայի լիգայի շրջանակում փետրվարի 20-ին «Ռոմա»-ն Հռոմի օլիմպիական մարզադաշտում կհյուրընկալի «Գենտ»-ին: Հանդիպումը կմեկնարկի Երևանի ժամանակով կեսգիշերին:
Բաժանորդագրվեք մեր ալիքին Telegram-ում