Վաշինգտոնում կայանալիք մշակութային միջոցառման ժամանակ առանձին բաժին նվիրվելու է հայկական կինոյին
ԵՐԵՎԱՆ, 19 ՓԵՏՐՎԱՐԻ, ԱՐՄԵՆՊՐԵՍ: Վաշինգտոնում կայանալիք բազմաշերտ մշակութային միջոցառման ժամանակ, որը տեղի է ունենալու փետրվարի 28-ից մարտի 14-ը, առանձին բաժին է նվիրվելու հայկական կինոյին:
«Արմենպրես»-ի հաղորդմամբ՝ այս մասին լրագրողների հետ զրույցում ասաց Հայաստանի ազգային կինոկենտրոնի տնօրեն Շուշանիկ Միրզախանյանը:
«Մեզ համար սա շատ կարևոր քայլ է, քանի որ ամերիկյան հանդիսատեսի դատին է ներկայացվելու հայկական կինոժառանգությունը: Միջոցառմանը ցուցադրվելու են Համո Բեկնազարյանի «Զանգեզուր» (1938), Սերգեյ Փարաջանովի «Նռան գույնը» (1968) և «Հակոբ Հովնաթանյան» (1967) ֆիլմերը։ Մշակութային այս միջոցառմանը մեր մասնակցությունը հավուր պատշաճի ապահովելու համար ԱՄՆ-ում ՀՀ դեսպանատունը շատ մեծ աշխատանք է տարել»,- նշեց Միրզախանյանը:
Բաժանորդագրվեք մեր ալիքին Telegram-ում