ԵՐԵՎԱՆ, 18 ՓԵՏՐՎԱՐԻ, ԱՐՄԵՆՊՐԵՍ։ «Վերջին շրջանում  առկա պահանջարկից ելնելով, Հայաստանում բավականին աճել են էսթետիկ վիրաբուժութան եւ նորարարական կոսմետոլոգիական կենտրոնները, որոնք կանանց առաջարկում են  երիտասարդացման  ամենատարբեր նորարարական ծառայություններ՝ ընդհուպ դիմագծերի կորեկցիա եւ ներարկում:

«Ցանկացած  կոսմետոլոգիական միջամտություն ունի ինչպես իր դրական, այնպես էլ բացասական հետեւանքները, եւ ինչպես ցանկացած ոլորտում, ամեն ինչ  չափի մեջ է  գեղեցիկ»,- ասաց «Նորմեդ» բժշկական կենտրոնի պլաստիկ վիրաբուժության բաժանմունքի ղեկավար Գոռ Ամիրբեկյանը՝ նշելով, որ նման նորարարական էսթետիկ եւ կոսմետոլոգիական ծառայություններն անվտանգ են եւ արդյունավետ այն դեպքում, երբ պրոցեդուրան անցկացվում է համապատասխան որակավորում ունեցող մասնագետի կողմից եւ նրա անմիջական հսկողության ներքո: Մատնանշեց՝ շատ անգամ ներարկման չափաբաժինները չարաշահվում  են ոչ պրոֆեսիոնալ մասնագետի կողմից, ինչի հետեւանքով կնոջ դեմքն աղավաղվում է եւ դառնում էսթետիկորեն ոչ գեղեցիկ՝ միաժամանակ  վնասելով   նաեւ օրգանիզմը: Այս  դեպքում կարող է  առաջանալ նաեւ դեմքի մկանի ֆունկցիայի  լրիվ վերացում եւ դեմքի տարբեր հատվածների հավասարակշռվածության խախտում, երբ մարդը չի կարողանա նույնիսկ որեւէ միմիկա արտաբերել: Դիմագծերի ասիմտերիայի խախտումից բացի, ըստ մասնագետի, կարող է տուժել նաեւ ողջ օրգանիմի ֆունկցիան:

Ինչպես մեծածնել ինքնագիտակցությունը, որ գեղեցիկ եւ էսթետիկորեն ավելի նրբագեղ դառնալու փոխարեն  կինը կարող է վնաս հասցնել առողջությանը: Գոռ Ամիրբեկյանը հորդորում է պարզապես  ճիշտ մասնագետի դիմել»:

Նյութն ամբողջությամբ կարդացեք թերթի այսօրվա համարում: