Բուրկինա-Ֆասոյում 24 մարդ Է զոհվել եկեղեցու վրա զինյալների հարձակման հետեւանքով
ԵՐԵՎԱՆ, 17 ՓԵՏՐՎԱՐԻ, ԱՐՄԵՆՊՐԵՍ: Անհայտ անձինք հարձակվել են Բուրկինա-Ֆասոյի հյուսիսի գյուղերից մեկի վրա՝ սպանելով 24 մարդու: Այդ մասին հայտնել Է տարածաշրջանի նահանգապետ Սախել Սալֆո Կաբորեն, տեղեկացնում Է «Արմենպրես»-ը:
«Կիրակի օրը՝ փետրվարի 16-ին, ահաբեկիչների զինված խումբը ներխուժել Է Փանսի բնակավայր եւ հարձակվել խաղաղ բնակիչների վրա… Նախնական տվյալներով զոհվել Է 24 մարդ, այդ թվում՝ քահանան»,-նահանգապետի հայտարարությունը մեջբերում Է Coaci պորտալը:
Գրոհի հետեւանքով վերքեր Է ստացել 18 մարդ, ոմանց առեւանգել են: Նահանգապետը նշել Է, որ սպանդն սկսելուց առաջ հարձակվողները տեղի բնակիչներին առանձնացրել են եկվորներից:
Պորտալի տվյալներով՝ ելուզակները հարձակվել են Փանսիի բողոքական եկեղեցու վրա այն պահին, երբ այնտեղ ծխականներ Էին հավաքվել կիրակնօրյա ծիսակատարության համար, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում