Հովհաննես Համբարձումյանը մասնակցել է ակումբի հերթական խաղին
13:03, 16 Փետրվար 2020
ԵՐԵՎԱՆ, 16 ՓԵՏՐՎԱՐԻ, ԱՐՄԵՆՊՐԵՍ: Հայաստանի ֆուտբոլի ազգային ընտրանու պաշտպան Հովհաննես Համբարձումյանը մասնակցել է ակումբի հերթական խաղին:
«Արմենպրես»-ի հաղորդմամբ` Ֆուտբոլի Կիպրոսի առաջնության 20-րդ տուրի շրջանակներում «Էնոսիս Նեոն» սեփական հարկի տակ հյուրընկալել էր «Պաֆոս»-ին: Հանդիպումն ավարտվել էր ոչ-ոքի` 1:1 հաշվով:
Հայաստանի ֆուտբոլի ազգային թիմից Հովհաննես Համբարձումյանը «Էնոսիս»-ի մեկնարկային կազմում էր և մասնակցեց ամբողջ խաղին:
Այս տուրից հետո Համբարձումյանի թիմը մրցաշարային աղյուսակում 10-րդն է:
Բաժանորդագրվեք մեր ալիքին Telegram-ում