Թուրքիան ռազմական տեխնիկա է փոխանցում ահաբեկչական խմբավորման զինյալներին. աղբյուր
17:19, 15 Փետրվար 2020
ԵՐԵՎԱՆ, 15 ՓԵՏՐՎԱՐԻ, ԱՐՄԵՆՊՐԵՍ: Սիրիայում թուրքական զինված ուժերի ռազմական տեխնիկայի զգալի մասը փոխանցվում է Ռուսաստանում արգելված «Ջաբհատ ան-Նուսրա» խմբավորման զինյալներին: «Արմենպրես»-ի փոխանցմամբ այս մասին հայտնում է «ՌԻԱ Նովոստի»-ն՝ հղում անելով ռամադիվանագիտական աղբյուրին:
Հաղորդվում է, որ այժմ Իդլիբի էսկալացիոն գոտում կա ավելի քան 70 տանկ, շուրջ 200 զրահատեխնիկա և 80 դաշտային հրետանային զենք:
«ՌԻԱ Նովոստի»-ի աղբյուրի հաղորդմամբ՝ միևնույն ժամանակ, թուրքական զինված ուժերի ռազմական տեխնիկայի զգալի մասը թուրք-սիրիական հատվածը հատելուց անմիջապես հետո փոխանցվում է «Ջաբհատ ան-Նուսրա» ահաբեկչական խմբավորման զինյալներին:
Բաժանորդագրվեք մեր ալիքին Telegram-ում