Առինջ գյուղում վագոն-տնակ է այրվել
20:40, 14 Փետրվար 2020
ԵՐԵՎԱՆ, 14 ՓԵՏՐՎԱՐԻ, ԱՐՄԵՆՊՐԵՍ: ՀՀ արտակարգ իրավիճակների նախարարության ճգնաժամային կառավարման ազգային կենտրոնը փետրվարի 14-ին, ժամը 14:39-ին ահազանգ է ստացել, որ Կոտայքի մարզի Առինջ գյուղի Մհեր Մկրտչյան թաղամասում այրվում է բնակելի տնակ:
Դեպքի վայր են մեկնել ԱԻՆ Փրկարար ծառայության մարզային փրկարարական վարչության հրշեջ-փրկարարական ջոկատի երկու մարտական հաշվարկ:
Հրդեհը մեկուսացվել է ժամը 14:53-ին, մարվել՝ 15:40-ին:
Ինչպես «Արմենպրես»-ին տեղեկացրին ՀՀ ԱԻՆ տեղեկատվության և հասարակայնության հետ կապերի վարչությունից, Մհեր Մկրտչյան թաղամասի 1-ին փողոցի թիվ 5 հասցեում գտնվող շինհրապարակում ամբողջությամբ այրվել է վագոն-տնակ (27 քմ)՝ կենցաղային իրերով:
Բաժանորդագրվեք մեր ալիքին Telegram-ում