Թուրքիայի պատվիրակությունը կուղեւորվի Ռուսաստան՝ քննարկելու Իդլիբի իրադրությունը
15:39, 12 Փետրվար 2020
ԵՐԵՎԱՆ, 12 ՓԵՏՐՎԱՐԻ, ԱՐՄԵՆՊՐԵՍ: Թուրքական պատվիրակությունը մոտ օրերս մտադիր Է ուղեւորվել Ռուսաստան՝ քննարկելու Սիրիայի Իդլիբի նահանգում ստեղծված իրադրությունը: Այդ մասին փետրվարի 12-ին հայտարարել Է Թուրքիայի արտաքին գործերի նախարար Մեւլյութ Չավուշօղլուն՝ հանդես գալով Ալբանիայի մայրաքաղաք Տիրանայում անցկացված մամուլի ասուլիսում, տեղեկացնում Է «Արմենպրես»-ը:
«Մոտ օրերս մեր պատվիրակությունը կուղեւորվի Մոսկվա: Մենք կշարունակենք աշխատել Ռուսաստանի հետ, մենք ձգտում ենք մշտական զինադադար ապահովել (Իդլիբում): Բայց եթե բանակցությունները ոչ մի արդյունք չտան, ապա մենք վճռականորեն ենք տրամադրված»,-ասել Է նա NTB հեռուստաալիքի եթերում, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում