Բանակային զորամիավորումներում անցկացվել են նորակոչիկների երդման արարողություններ
19:09, 10 Փետրվար 2020
ԵՐԵՎԱՆ, 10 ՓԵՏՐՎԱՐԻ, ԱՐՄԵՆՊՐԵՍ: Բանակային զորամիավորումներում փետրվարի 8-ին և 9-ին անցկացվել են ՀՀ զինված ուժերի շարքերը համալրած նորակոչիկների զինվորական երդման հանդիսավոր արարողություններ, որոնց ներկա են եղել բարձրաստիճան զինվորականներ, տեղական ինքնակառավարման մարմինների ներկայացուցիչներ, հոգևորականներ, նորակոչիկների հարազատներ, հյուրեր:
Ինչպես «Արմենպրես»-ին տեղեկացրին ՀՀ պաշտպանության նախարարության տեղեկատվության և հասարակայնության հետ կապերի վարչությունից, Հայրենիքի պաշտպանները երդվել են անձվիրաբար ծառայել Հայաստանի Հանրապետությանը, կատարել հրամանատարների հրամանները, պահպանել պետական և ռազմական գաղտնիքները։
Բաժանորդագրվեք մեր ալիքին Telegram-ում