Ժամանակը Երևանում՝ 11:07:36,   22 Փետրվար

Հայաստանը լավատես երկրների շարքում 5-րդն է

Հայաստանը լավատես երկրների շարքում 5-րդն է

ԵՐԵՎԱՆ, 8 ՓԵՏՐՎԱՐԻ, ԱՐՄԵՆՊՐԵՍ: Հայաստանի Հանրապետությունը, անցկացված հարցումների համաձայն, աշխարհի լավատես երկրների շարքում 5-րդն է: «Արմենպրես»-ի փոխանցմամբ` այս մասին փետրվարի 8-ին հրավիրված մամուլի ասուլիսի ընթացքում ասաց «GALLUP International association»-ի Հայաստանում լիիրավ անդամ «Էմ Փի ՋԻ» ՍՊԸ փոխտնօրեն Գայանե Դաջունցը, ներկայացնելով իրենց կողմից իրականացված հարցումների համադրությունը աշխարհի 46 երկրում իրականացված նույն հարցման պատասխանների հետ:

«Հարցը հետևյալն էր` ի՞նչ եք կարծում 2020թ. կլինի ավելի լավը, կլինի ավելի վատը, թե կմնա նույնը, ինչպես 2019թ.-ն էր: Հարցվածների 62%-ը նշել է, որ կլինի ավելի լավը, 7%-ը նշել է, որ կլինի ավելի վատը, 25%-ը նշել է, որ կմնա նույնը, ինչպես 2019-ն էր, իսկ 6%-ը դժվարացել է պատասխանել այս հարցին: Լավատեսների տոկոսից հանվել է հոռետեսների տոկոսը, և լավատեսության ինդեքսը կազմել է 55. այս ցուցանիշով Հայաստանը օպտիմիստ երկրների հնգյակում է»,- ասաց Դաջունցը:

ՀՀ-ում ընտրանքի քանակը կազմել է 1517, հարցումներն իրականացվել են և՛ Երևանում, և՛ մարզերում՝ մարզկենտրոններ, այլ քաղաքներ, գյուղեր։

Լավատես երկրների շարքում առաջինը Պերուն է, երկրորդը` Ալբանիան, երրորդը` Նիգերիան, չորրորդը` Ղազախստանը: Հոռետես երկրների թոփ հնգյակում են Լիբանանը, Հոնկոնգը, Հորդանանը, Իտալիան, Բոսնիա և Հերցեգովինան:

Հետազոտությունն աշխարհի 46 երկրում իրականացնում է «GALLUP International association»-ը՝ իր գործընկեր կազմակերպությունների միջոցով, և կազմում հույսի ու լավատեսության ինդեքսը:





https://zen.yandex.ru/id/5dee07a31e8e3f00ae3051c1
Tokyo 2020
youtube

Բոլոր նորությունները    


New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ