1000х90.jpg (78 KB)

Երևանում՝ 11:07,   28 Մարտ 2024

Հրապարակվել է Ուկրաինայի Կիրովոգրադի մարզում ապագա հայկական վանական համալիրի էսքիզը

Հրապարակվել է Ուկրաինայի Կիրովոգրադի մարզում ապագա հայկական վանական 
համալիրի էսքիզը

ԵՐԵՎԱՆ, 8 ՓԵՏՐՎԱՐԻ, ԱՐՄԵՆՊՐԵՍ: Ուկրաինայի Կիրովոգրադի մարզի հայերի միությունը հրապարակել է Կրոպիվնիցկի քաղաքում Ինգուլ գետի ափին ապագա վանական համալիրի էսքիզը: «Արմենպրես»-ի հաղորդմամբ, այս մասին տեղեկացնում է AnalitikaUA.net-ը: Էսքիզ-առաջարկը սոցցանցում հրապարակել է տարածաշրջանային միության ղեկավար Տիգրան Խաչատրյանը:

«Հարգելի պատգամավորներ, խնդրում եմ Ձեզ աջակցել որոշմանը: Շնորհակալություն բոլորին, ովքեր կապ ունեն այս պատմական պահի հետ»,- գրել է Տիգրան Խաչատրյանը: Նախագծում ներկայացվել է ճակատային հատվածում մեծ մուտքով մոնոլիտային շենք:

Միխայիլովսկայա փողոցում 1100 քմ մակերեսով հողատարածքը կարող են փոխանցել Հայ առաքելական եկեղեցու կրոնական համայնքին: Ավելի վաղ հաղորդվել էր, որ Կիեւում հայկական տաճարի կառուցումը մոտենում է ավարտին:

Հայտնի է, որ եկեղեցիների կառուցումն Ուկրաինայի հայերի միության հիմնական նպատակներից մեկն է: Միության ղեկավար Վիլեն Շատվորյանի խոսքով՝ եկեղեցիների կառուցումը թույլ կտա իրականացնել հայկական սփյուռքի գլխավոր նպատակներից մեկը, որն է՝ բացահայտել հայկական մշակույթը Ուկրաինայի ժողովրդի համար:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]