Արևելագետը մոտ ապագայում ամերիկա-իրանական հարաբերությունների սրացման նախանշաններ չի տեսնում
ԵՐԵՎԱՆ, 7 ՓԵՏՐՎԱՐԻ, ԱՐՄԵՆՊՐԵՍ: Ամերիկա-իրանյան հարաբերությունները մտել են ավելի հանգիստ փուլ:
Ինչպես տեղեկացնում է «Արմենպրես»-ը, փետրվարի 7-ին նման կարծիք հայտնեց ՀՀ ԳԱԱ արևելագիտության ինստիտուտի տնօրեն Ռուբեն Սաֆրաստյանը:
«Վերջին շրջանում ուղղակի բախումներ երկու երկրների զինված ուժերի միջև տեղի չեն ունենում, բայց աշխարաքաղաքական խաղը ստացել է շատ ավելի ռազմավարական բնույթ: Իրանը հայտարարել է և հետևողականորեն փորձում է իրականացնել իր ռազմավարական նպատակը, այն է` հասնել այն բանին, որ ամերիկյան զինված ուժերը դուրս բերվեն սկզբից Իրաքից, իսկ հետագայում նաև ողջ Մերձավոր Արևելքից: Չնայած ԱՄՆ-ը հայտարարել է, որ իր զինված ուժերը դուրս է բերելու Մերձավոր Արևելքից, բայց դեռևս ցանկություն չի ցուցաբերում: Կարծում եմ, ամերիկա-իրանական հակամարտությունը կշարունակվի, բայց նախանշաններ չկան, որ դրանք մոտ ապագայում ավելի կսրվեն»,- եզրափակեց Սաֆրաստյանը:
Բաժանորդագրվեք մեր ալիքին Telegram-ում