Վիտեբսկում հարգանքի տուրք են մատուցել Բելառուսի համար մարտերում ընկած հայերի հիշատակին
ՎԻՏԵԲՍԿ, 4 ՓԵՏՐՎԱՐԻ, ԱՐՄԵՆՊՐԵՍ/ԲԵԼՏԱ: Բելառուսի Վիտեբսկի մարզում հարգանքի տուրք են մատուցել Մեծ հայրենական պատերազմի տարիներին Բելառուսի ազատագրման համար մղված մարտերում զոհված հայերի հիշատակին: «Արմենպրես»-ի փոխանցմամբ, ինչպես հայտնում է «Բելտա» լրատվական գործակալությունը, միջոցառմանը ներկա է եղել Բելառուսում Հայաստանի դեսպան Արմեն Ղևոնդյանը:
«Մեծ հայրենական պատերազմը երբեք չի կիսվել սեփականի և ուրիշի: Այն միավորել է ոչ միայն մարտի դաշտում, այլև խրամատներում: Պատերազմը սգի շատ տեղեր է թողել բելառուսական հողի վրա: Մայիսի 9-ը սուրբ ամսաթիվ է, որը սրտերը լցնում է բարդ զգացմունքներով՝ ուրախությամբ, սգով, հպարտությամբ»,- ասել է դեսպանը:
Միջոցառումից հետո Վիտեբսկի գրադարանում տեղի է ունեցել պատմական գիտությունների դոկտոր Կլիմենտ Հարությունյանի «Հայ զինվորները Բելառուսի համար մղվող մարտերում (1941-1944թթ.) գրքի շնորհանդեսը:
Բաժանորդագրվեք մեր ալիքին Telegram-ում