Սիրուշոն նոր մոտեցմամբ է ներկայացրել Գուսան Հավասիի ստեղծագործությունը
ԵՐԵՎԱՆ, 3 ՓԵՏՐՎԱՐԻ, ԱՐՄԵՆՊՐԵՍ: Սիրուշոն նոր մոտեցմամբ է ներկայացրել Գուսան Հավասիի «Յարը մարդու յարա կուտա» հայտնի ստեղծագործությունը:
«Արմենպրես»-ի հաղորդմամբ` երգչուհին այն հրապարակել է «Յութուբ»-ի իր ալիքում:
Երգը մի քանի ժամվա ընթացքում 14 536 դիտում է հավաքել: Գործիքավորումն իրականացրել է Մուշեղ Մաիլյանը:
Սիրուշոն իր երաժշտական կարիերայի ընթացքում հաճախ հանդես է գալիս սոուլ և փոփ ժանրերում, բայց պարբերաբար ներկայացնում է գուսանական ստեղծագործություններ: Դեռ 2005 թվականին նա թողարկեց «Շերամ» ալբոմը, որը ներառում է Գուսան Շերամի բազմաթիվ երգեր։
Ալբոմում ներառվեց նաև «Շորորա» երգը, որը հետագայում լայն ճանաչում ստացավ: 2005-ին թվականի ազգայի երաժշտական մրցանակաբաշխությանը «Շերամը» ճանաչվեց տարվա ալբոմ, իսկ Սիրուշոն՝ տարվա լավագույն երգչուհի:
Բաժանորդագրվեք մեր ալիքին Telegram-ում