Ռուսաստանում ի հայտ են բերել կորոնավիրուսով առաջին երկու հիվանդներին
17:02, 31 Հունվար 2020
ԵՐԵՎԱՆ, 31 ՀՈՒՆՎԱՐԻ, ԱՐՄԵՆՊՐԵՍ: Ռուսաստանում՝ Անդրբայկալում եւ Տյումենի մարզում, գրանցվել են նոր տիպի կորոնավիրուսով առաջին երկու հիվանդները: Այդ մասին հայտնել Է ՌԴ փոխվարչապետ, օպերատիվ շտաբի ղեկավար Տատյանա Գոլիկովան, տեղեկացնում Է «Արմենպրես»-ը՝ հղում անելով «Ինտերֆաքս»-ին:
Նա նշել Է, որ հիվանդացածները Չինաստանի քաղաքացիներ են:
Գոլիկովան հավելել Է, որ Ռուսաստանը կորոնավիրուսի պատճառով սկսում Է երկրի քաղաքացիների տարհանումը Չինաստանի Ուհան քաղաքից եւ Հուբեյի նահանգից: Հայնան կղզում գտնվող ՌԴ-ի բոլոր քաղաքացիները հայրենիք կվերադարձվեն մինչեւ փետրվարի 4-ը:
Բաժանորդագրվեք մեր ալիքին Telegram-ում