ԵՐԵՎԱՆ, 29 ՀՈՒՆՎԱՐԻ, ԱՐՄԵՆՊՐԵՍ: ԱՄՆ-ում պաշտպանադիմակները դեֆիցիտի առարկա են դարձել, բայց երկրի առողջապահության նախարարությունը խուճապը վաղաժամ Է համարում եւ երկրի քաղաքացիներին հորդորում Է չանհանգստանալ: Այդ մասին բրիֆինգում հայտարարել Է գերատեսչության ղեկավար Ալելս Ազարը, տեղեկացնում Է «Արմենպրես»-ը:

Չինաստանում եւ դրա սահմաններից դուրս նոր կորոնավիրուսի տարածման համեմատ ԱՄՆ-ում պաշտպանադիմակների պահանջարկն աճել Է, բժշկական արտադրանքի այդ տեսակի դեֆիցիտ Է նկատվում ինչպես երկրի մայրաքաղաք Վաշինգտոնում, այնպես Էլ, տեղի զանգվածային լրատվամիջոցների վկայություններով, մյուս քաղաքներում: Հիվանդությունների վերահսկողության եւ կանխարգելման կենտրոնի (CDC) վերջին տվյալներով՝ ԱՄՆ-ում հաստատվել Է նոր տիպի կորոնավիրուսով հիվանդության հինգ դեպք չորս նահանգում. Կալիֆոռնիա, Իլինոյս, Վաշինգտոն եւ Տեխաս: Գերատեսչության տվյալներով՝ ներկայում վիրուսի առկայության ստուգում Է անցնում ավելի քան 70 մարդ երկրի 20-ից ավելի նահանգներում: Չինաստանից ԱՄՆ կորոնավիրուսի հետագա տարածումը կանխելու նպատակով ուժեղացվել Է կարանտինային վերահսկողությունը Միացյալ Նահանգների 20 օդանավակայանում, հաղորդել Է ՌԻԱ Նովոստին: