«Դարի գործարքը» հնարավորություն Է ընձեռում վերսկսել խաղաղ կարգավորման ջանքերը. Բորել
10:15, 29 Հունվար 2020
ԵՐԵՎԱՆ, 29 ՀՈՒՆՎԱՐԻ, ԱՐՄԵՆՊՐԵՍ: Իսրայելի եւ Պաղեստինի միջեւ խաղաղ կարգավորման՝ Վաշինգտոնի առաջարկած պլանը (այսպես կոչված դարի գործարքը) հնարավորություն Է ընձեռում վերսկսել հակամարտության լուծման ուղղված ջանքերը: Այդ մասին ասված Է Եվրամիության դիվանագիտության ղեկավար Ժոզեպ Բորելի հայտարարության մեջ, որը հունվարի 28-ի երեկոյան տարածվել Է Բրյուսելում, տեղեկացնում Է «Արմենպրես»-ը:
«Միացյալ Նահանգների այսօրվա նախաձեռնությունը հնարավորություն Է ընձեռում վերսկսելու իսրայելա-պաղեստինյան հակամարտության՝ համաձայնեցված եւ կենսունակ կարգավորման հասնելու շուտափույթ անհրաժեշտ ջանքերը»,- նշված Է փաստաթղթում:
Բորելի խոսքով՝ «Եվրամիությունը կուսումնասիրի եւ կգնահատի առաջադրված առաջարկությունները», հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում