Ժամանակը Երևանում՝ 11:07:36,   18 Փետրվար

ՀՀ նախագահը մեդալներ և շքանշաններ հանձնեց հայրենիքի պաշտպանության գործի նվիրյալ զինծառայողներին

ՀՀ նախագահը մեդալներ և շքանշաններ հանձնեց հայրենիքի պաշտպանության գործի նվիրյալ զինծառայողներին

ԵՐԵՎԱՆ, 27 ՀՈՒՆՎԱՐԻ, ԱՐՄԵՆՊՐԵՍ: ՀՀ նախագահ Արմեն Սարգսյանը բանակի օրվա առթիվ մեդալներ և շքանշաններ հանձնեց հայրենիքի պաշտպանության գործի նվիրյալ զինծառայողներին՝ նրանց շնորհավորելով ՀՀ Զինված ուժերի կազմավորման 28-րդ տարեդարձի առթիվ: «Արմենպրես»-ի փոխանցմամբ` նախագահ Արմեն Սարգսյանը պարգևները հանձնեց հունվարի 27-ին, ՀՀ նախագահի նստավայրում:

«Բանակի օրն առանձնահատուկ է բոլորիս համար: Այդ առիթով ուզում եմ շնորհավորել բոլոր պարգևատրված ազատամարտիկներին, զինվորներն, սպաներին, բժիշկներին։ Բանակի օրը չենք կարող ևս մեկ անգամ չհիշել հազարավոր հայորդիներին, որոնք իրենց կյանքը տվեցին այսօր հզոր ազգային բանակ ունենալու երազանքին, իրենց կյանքը տվեցին Մեծ հայրենականում, Արցախյան ազատամարտում»,- ասաց Սարգսյանը:

ՀՀ նախագահը ներկաներին խնդրեց մեկ րոպե լռությամբ հարգել իրենց կյանքը հանուն հայրենիքի զոհած անձանց հիշատակը:

«Ընդամենը 28 տարի առաջ ՀՀ նախագահի հրամանագրով ստեղծվեց օրենք ՀՀ պաշտպանության նախարարության մասին։ Այսօր ունենք հզոր բանակ, և այդ պատմական շրջադարձային իրադարձության փայլուն վկայություններն են Սարդարապատի, Ղարաքիլիսայի փայլուն հաղթանակները, 75 տարի է անցել, և չենք կարող չհիշել Հայրենական պատերազմում հայ ժողովրդի հսկա ներդրումը, հայերը պայքարել են ֆաշիզմից ազատվելու, Ֆրանսիան, Եվրոպան ազատագրելու համար: Հայ ազգը տվել է Խորհրդային Միության հերոսներ, 60-ից ավելի գեներալ, հինգ մարշալ։ Մեզնից յուրաքանչյուրը պետք է հպարտ լինի այս կապակցությամբ»,- նշեց Արմեն Սարգսյանը:

ՀՀ նախագահը շեշտեց նաև Արցախյան ազատամարտում հայ ժողովրդի տարած հաղթանակն ու պայքարը, որը հիմք դրեց հայոց բանակի ստեղծմանը:

 





https://zen.yandex.ru/id/5dee07a31e8e3f00ae3051c1
Tokyo 2020
youtube

Բոլոր նորությունները    


New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ