Տեղ գյուղում հրդեհի հետևանքով այրվել է 350 հակ անասնակեր
17:02, 27 Հունվար 2020
ԵՐԵՎԱՆ, 27 ՀՈՒՆՎԱՐԻ, ԱՐՄԵՆՊՐԵՍ: 911 ահազանգման կենտրոն հունվարի 27-ին, ժամը 10:17-ին ահազանգ է ստացվել, որ Սյունիքի մարզի Տեղ գյուղում այրվում է անասնակեր: «Արմենպրես»-ին այս մասին հայտնեցին ՀՀ ԱԻՆ տեղեկատվության և հասարակայնության հետ կապերի վարչությունից:
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ:
Պարզվել է, որ Տեղ գյուղի 27-րդ փողոցի տներից մեկի մոտակայքում այրվում է 350 հակ պահեստավորած անասնակեր:
Հրդեհը մեկուսացվել է ժամը 11:18-ին, մարվել՝ 14:29-ին:
Այրվել են 350 հակ անասնակեր և մոտ 30 քմ ծածկի փայտյա կառուցատարրերը:
Բաժանորդագրվեք մեր ալիքին Telegram-ում