Երիտասարդ ըմբիշները մեդալներ են նվաճել Ուկրաինայում
16:54, 27 Հունվար 2020
ԵՐԵՎԱՆ, 27 ՀՈՒՆՎԱՐԻ, ԱՐՄԵՆՊՐԵՍ: Հայաստանը ներկայացնող երիտասարդ ըմբիշները մեդալներ են նվաճել Ուկրաինայի միջազգային մրցաշարում:
«Արմենպրես»-ի հաղորդմամբ` այս մասին գրում է ըմբշամարտի ֆեդերացիան: Ուկրաինայի Զապորոժիե քաղաքում կայացել է անվանի ըմբիշ Եվգենի Տրուխինի հուշամրցաշարը, որին մասնակցել են նաև հունահռոմեական ոճի Հայաստանը ներկայացնող երիտասարդ ըմբիշները: Բրոնզե մեդալներ են նվաճել Արման Վարդանյանը (60 կգ), 77 կգ քաշային Ռաֆիկ Միխեևը և 130 կգ քաշային Ռազմիկ Քուրդյանը: 6 ըմբիշներ էլ պայքարել են բրոնզե մեդալների համար, սակայն պարտություն են կրել:
Մրցաշարին Հայաստանը ներկայացրել են 10 հայ ըմբիշներ: Ընդհանուր առմամբ՝ հուշամրցաշարին մասնակցել են 8 երկրի ըմբիշներ:
Բաժանորդագրվեք մեր ալիքին Telegram-ում