1000х90.jpg (78 KB)

Երևանում՝ 11:07,   29 Մարտ 2024

Նոր Հայաստանի ընդդիմությունը պետք է դուրս գա քաղաքական առևտրի տրամաբանությունից. վարչապետ

Նոր Հայաստանի ընդդիմությունը պետք է դուրս գա քաղաքական առևտրի 
տրամաբանությունից. վարչապետ

ԿԱՊԱՆ, 25 ՀՈՒՆՎԱՐԻ, ԱՐՄԵՆՊՐԵՍ: ՀՀ վարչապետ Նիկոլ Փաշինյանը կարծիքով՝ նոր Հայաստանում ընդդիմությունը պետք է դուրս գա իշխանության հետ քաղաքական առևտրի տրամաբանությունից: «Արմենպրես»-ի հաղորդմամբ՝ Փաշինյանը նման տեսակետ հայտնեց Կապանում իր ասուլիսում՝ պատասխանելով հարցին:

Լրագրողը հիշեցրեց օրերս ԱԺ «Իմ քայլը» խմբակցության անդամ Լենա Նազարյանի ելույթը, «թե ընդդիմության գործելաոճը չի համապատասխանում նոր Հայաստանի իրավիճակին, ընդդիմադիր ուժերը խցանվել են անցյալում»: Նա հետաքրքրվեց՝ արդյոք վարչապետը կիսում է այդ տեսակետը, հարցրեց, թե ըստ վարչապետի ինչպիսին պետք է լինի նոր Հայաստանի ընդդիմությունը:

«Լիովին կիսում եմ այդ տեսակետը: Եվ ցավոք սրտի ստիպված եմ արձանագրել, որ կան շատ քաղաքական ուժեր, որոնց գործունեության կերպը եղել է իշխանության հետ առևտուր անելը: Եվ հիմա, երբ նոր պայմաններում իշխանությունը մերժում է որևէ առևտուր, նրանք չեն կարողանում իրենց գտնել այս նոր իրավիճակում»,-ասաց Փաշինյանը:

Անդրադառնալով հարցին, թե նոր Հայաստանում ինչպիսին պետք է լինի նոր ընդդիմությունը՝ վարչապետն ասաց՝ այն պետք է իշխանության հետ քաղաքական առևտրի տրամաբանությունից դուրս գա: Փաշինյանը շեշտեց՝ իրենց իշխանությունը չի անում քաղաքական առևտուր: «Չենք անում մենք, ասել ենք, բացատրել ենք, օրինակ ենք ծառայել»,-եզրափակեց նա:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]