Գեղասահորդ Անաստասիա Գալուստյանը չհաղթահարեց Եվրոպայի առաջնության առաջին փուլի արգելքը
23:46, 24 Հունվար 2020
ԵՐԵՎԱՆ, 24 ՀՈՒՆՎԱՐԻ, ԱՐՄԵՆՊՐԵՍ: Հայաստանի գեղասահքի հավաքականի անդամ Անաստասիա Գալուստյանը չհաղթահարեց Եվրոպայի առաջնության առաջին փուլի արգելքը:
«Արմենպրես»-ի հաղորդմամբ` ավստրիական Գրաց քաղաքում ընթացող Եվրոպայի առաջնությունում պայքարի մեջ մտան կանայք: Կարճ ծրագրում Գալուստյանը հավաքեց ընդամենը 50.08 միավոր և 37 մարզիկների մեջ գրավեց 27-րդ տեղը: Նա իրավունք չստացավ մասնակցելու ազատ ծրագրին:
Առաջին երեք տեղերը զբաղեցրեցին Ռուսաստանի ներկայացուցիչները:
Բաժանորդագրվեք մեր ալիքին Telegram-ում