COBRAIN-ը կնպաստի Հայաստանին լուծել բժշկական կրթության ոլորտի որոշ խնդիրներ. ԿԳՄՍ նախարար
ԵՐԵՎԱՆ, 24 ՀՈՒՆՎԱՐԻ, ԱՐՄԵՆՊՐԵՍ: Կառավարությունը նպատակաուղղված է լուծելու տարիների ընթացքում կուտակված բժշկական կրթության ոլորտի խնդիրները:
«Արմենպրես»-ի հաղորդմամբ՝ այս մասին COBRAIN ծրագրի մեկնարկային հանդիպման ժամանակ ասաց ՀՀ կրթության, գիտության, մշակույթի եւ սպորտի նախարար Արայիկ Հարությունյանը:
«Մենք ակտիվ համագործակցում ենք Եվրոպական միության հետ, որպեսզի «Հորիզոն-2020» ծրագրի ժառանգորդ՝ COBRAIN-ը թույլ կտա սերտ կապեր հաստատել եվրոպական բուհերի հետ, ինչը կօգնի լուծել միանգամից մի քանի խնդիր, այդ թվում՝ գիտության և պրակտիկ բժշկության ավելի սերտ ինտեգրման, ինչպես նաև բարձրագույն կրթության մակարդակի բարձրացման հարցերը: Հայաստանն արժանավոր ավանդույթներ ունի և իշխանությունները պատրաստ են աշխատել եղած ներուժի վերականգնման ուղղությամբ»,- նշեց ԿԳՄՍ նախարարը:
2019 թվականին Հայաստանն առաջին անգամ ճանաչվել է HORIZON-2020 Twinning ծրագրի հաղթող՝ ներկայացված լինելով Երևանի Մխիթար Հերացու անվան բժշկական համալսարանով։
Բաժանորդագրվեք մեր ալիքին Telegram-ում