Փրկարարները մարել են Ակունք գյուղի տներից մեկի տանիքում բռնկված հրդեհը
09:30, 24 Հունվար 2020
ԵՐԵՎԱՆ, 24 ՀՈՒՆՎԱՐԻ, ԱՐՄԵՆՊՐԵՍ: 911 ահազանգման կենտրոն հունվարի 23-ին, ժամը 19:30-ին ահազանգ է ստացվել, որ Կոտայքի մարզի Ակունք գյուղում այրվում է տան տանիք: «Արմենպրես»-ին այս մասին հայտնեցին ՀՀ ԱԻՆ տեղեկատվության և հասարակայնության հետ կապերի վարչությունից:
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ:
Հրդեհը մեկուսացվել է ժամը 20:39-ին, մարվել՝ 21:05-ին: Այրվել է տան տանիքը՝ ամբողջությամբ (մոտ 180 քմ):
Բաժանորդագրվեք մեր ալիքին Telegram-ում