Տիմը 3,5 ժամ ձգված մրցախաղից հետո դուրս եկավ Ավստրալիայի բաց առաջնության հաջորդ փուլ
12:25, 23 Հունվար 2020
ԵՐԵՎԱՆ, 23 ՀՈՒՆՎԱՐԻ, ԱՐՄԵՆՊՐԵՍ: Ավստրիացի Դոմինիկ Տիմը մեծ դժվարությամբ դուրս եկավ թենիսի Ավստրալիայի բաց առաջնության հաջորդ շրջան:
«Արմենպրես»-ի հաղորդմամբ` Մելբուռնում ընթացող Ավստրալիայի բաց առաջնության տղամարդկանց մենախաղի 2-րդ շրջանում Տիմի մրցակիցը ավստրալացի Ալեքս Բոլտն էր: 3 ժամ 22 րոպե ձգված մրցախաղում Տիմը հաղթեց 2:6, 7:5, 7:6, 1:6, 2:6 հաշվով:
Թենիսի «Մեծ սաղավարտի» այս տարվա առաջին մրցաշարի՝ Ավստրալիայի բաց առաջնության տղամարդկանց և կանանց մենախաղերին մասնակցում են 128-ական թենիսիստներ: Ավստրալական Մելբուռն քաղաքում ընթացող մրցաշարը տեղի է ունենում 107-րդ անգամ՝ 1905 թվականից: «Australian Open»-ի տղամարդկանց մենախաղի գործող չեմպիոնը Նովակ Ջոկովիչն է, իսկ կանանցը՝ Նաոմի Օսական:
Բաժանորդագրվեք մեր ալիքին Telegram-ում