«Արարատ-Արմենիա»-ի ֆուտբոլիստը հեռացել է ակումբից
ԵՐԵՎԱՆ, 23 ՀՈՒՆՎԱՐԻ, ԱՐՄԵՆՊՐԵՍ: Հայաստանի ֆուտբոլի առաջնության գործող չեմպիոն «Արարատ-Արմենիա»-ի ֆուտբոլիստը հեռացել է թիմից:
«Արմենպրես»-ի հաղորդմամբ` այս մասին հայտնում է ակումբի մամուլի ծառայությունը: «Արարատ-Արմենիա» ֆուտբոլային ակումբը և Գեորգի Պաշովը երկկողմանի համաձայնությամբ լուծել ենպայմանագիրը: Գեորգի Պաշովը մեր թիմին միացել էր 2018 թվականի ամռանը: «Արարատ-Արմենիայի» կազմում Գեորգին մասնակցել է 45 խաղի և դարձել է 2 գոլի և 4 գոլայինփոխանցման հեղինակ:
Այժմ Հայաստանի առաջնության բարձրագույն խմբի մրցաշարային աղյուսակը գլխավորում է «Լոռի»-ն, որն ունի 28 միավոր: 27-ական միավոր ունեն «Արարատ-Արմենիա»-ն, «Ալաշկերտ»-ը և «Արարատ»-ը: 25 միավորով 5-րդ տեղում «Շիրակ»-ն է, «Նոա»-ն ունի 24 միավոր: «Փյունիկ»-ն իր ակտիվում հավաքել է 20, «Ուրարտու»-ն` 17, «Գանձասար-Կապան»-ը` 14: Միավոր չունի «Երևան»-ը:
Բաժանորդագրվեք մեր ալիքին Telegram-ում