Թրամփը հաջող Է համարել իր երեք տարվա աշխատանքն ԱՄՆ-ի նախագահի պաշտոնում
ԵՐԵՎԱՆ, 21 ՀՈՒՆՎԱՐԻ, ԱՐՄԵՆՊՐԵՍ: ԱՄՆ-ի նախագահ Դոնալդ Թրամփը հայտարարել Է, որ իշխանության ղեկին իր գտնվելու առաջին երեք տարվա ընթացքում երկրում իրադրությունն զգալիորեն բարելավվել Է, տեղեկացնում Է «Արմենպրես»-ը:
«Ուղիղ երեք տարի առաջ Էր՝ 2017 թվականի հունվարի 20-ին. ես երդում տվեցի»,- գրել Է Թրամփն իր թվիթերում: Նա ընդգծել Է, որ վերջին երեք տարում «աֆրոամերիկացիների շրջանում գործազրկության մակարդակը հասել Է ամենացածր նշագծին երկրի ամբողջ պատմության ընթացքում», ինչպես նաեւ նշել Է գործազրկության մակարդակի նվազումը եւ հաջողությունները ԱՄՆ-ում աղքատության դեմ մղվող պայքարում:
ԱՄՆ-ում հաջորդ նախագահական ընտրությունները պլանավորված են 2020 թվականի նոյեմբերի 3-ին: Թրամփը մտադիր Է փորձել հասնելու վերընտրման, հաղորդել Է «Ինտերֆաքս»-ը:
Բաժանորդագրվեք մեր ալիքին Telegram-ում