Աբովյանի ոստիկանները թմրանյութ են հայտնաբերել կասկածվողի գրպանում
21:59, 20 Հունվար 2020
ԵՐԵՎԱՆ, 20 ՀՈՒՆՎԱՐԻ, ԱՐՄԵՆՊՐԵՍ: Ոստիկանության Կոտայքի բաժնի քրեական հետախույզները Աբովյան քաղաքի Հանրապետության փողոցից, ապօրինի թմրանյութ պահելու և օգտագործելու կասկածանքով հունվարի 17-ին, ժամը 14-ի սահմաններում բաժին բերման են ենթարկել նույն փողոցի 43-ամյա մի բնակչի:
Ինչպես «Արմենպրես»-ին տեղեկացրին ՀՀ ոստիկանության հասարակայնության հետ կապերի և լրատվության վարչությունից, անձնական խուզարկությամբ կասկածվողի գրպանում հայտնաբերվել է գորշ հեղուկով, 12 մլ տարողությամբ ներարկիչ: «Ըստ բերման ենթարկվածի` հայտնաբերվածը դեզոմորֆին թմրանյութ է, որը պատրաստել է իր օգտագործման համար:
Նշանակվել է դատաքիմիական փորձաքննություն:
Փաստի առթիվ նախապատրաստվում են նյութեր»,- ասվում է հաղորդագրության մեջ:
Բաժանորդագրվեք մեր ալիքին Telegram-ում