1000х90.jpg (78 KB)

Երևանում՝ 11:07,   28 Մարտ 2024

Հայ-ռուսական հարաբերությունների համար 2019 թվականը հագեցած ու արգասաբեր տարի էր. ՌԴ ԱԳՆ

 Հայ-ռուսական հարաբերությունների համար 2019 թվականը հագեցած ու արգասաբեր 
տարի էր. ՌԴ ԱԳՆ

ԵՐԵՎԱՆ, 20 ՀՈՒՆՎԱՐԻ, ԱՐՄԵՆՊՐԵՍ: Նախորդ տարին հայ-ռուսական հարաբերությունների համար եղել է բավական հագեցած և արգասաբեր: Բարեփոխումներով պայմանավորված՝ որոշ դադարներից հետո բարեկամական ու բազմակողմանի համագործակցությունը շարունակվել է: «Արմենպրես»-ի հաղորդմամբ, այդ մասին ասված է ԶԼՄ-ների հարցերին ՌԴ ԱԳՆ-ի կայքում զետեղված պատասխաններում, որոնք նախապատրաստվել էին, բայց չեն հնչել ՌԴ արտաքին գործերի նախարարի պաշտոնակատար Սերգեյ Լավրովի մամուլի ասուլիսում, որը նվիրված էր 2019 թվականին ռուսական դիվանագիտության գործունեության արդյունքներին:

«Քաղաքական երկխոսությունն ինտենսիվ բնույթ էր կրում: ՀՀ վարչապետ Նիկոլ Փաշինյանը 6 անգամ հանդիպել է ՌԴ նախագահ Վլադիմիր Պուտինի և 4 անգամ կառավարության ղեկավար Դմիտրի Մեդվեդևի հետ: Եղած ներուժի ամբողջական իրականացման համար սկզբունքորեն ձեռք է բերվել համաձայնություն`տարբեր գերատեսչությունների ղեկավարության միջև փոխգործակցությունն ուժեղացնելու վերաբերյալ»,-ասված է փաստաթղթում:

Նշվում է նաև, որ ընդլայնվել է փոխգործակցությունը խորհրդարանների, համայնքների, հասարակական կազմակերպությունների, լրատվամիջոցների միջև, ռազմատեխնիկական, գիտակրթական, մշակութային ոլորտներում:

Ռուսաստանը շարունակում է մնալ Հայաստանի ամենախոշոր արտաքին առևտրային և ներդրումային գործընկերը: Տնտեսական համագործակցության ուղղությամբ գործել է համատեղ 6 աշխատանքային խումբ: Արդյունավետ համակարգվել են տարբեր գլոբալ և տարածաշրջանային հարթակներում, ինտեգրացիոն միավորումներում եղած ջանքերը: Հատուկ ընդգծվել է Երևանի արդյունավետ նախագահությունը ԵԱՏՄ-ում:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]