Պերմում ԱԴ ռեժիմ Է հայտարարվել ջերմամուղի ճեղքվածքի պատճառով հյուրանոցի կենվորների զոհվելուց հետո
ԵՐԵՎԱՆ, 20 ՀՈՒՆՎԱՐԻ, ԱՐՄԵՆՊՐԵՍ: Ռուսաստանի Պերմ քաղաքում արտակարգ դրության ռեժիմ Է սահմանվել ջերմամուղի ճեղքվածքից եւ հինգ մարդու զոհվելուց հետո դրա վթարի վերացման համար: Անջատվել են ջեռուցումը եւ տաք ջրամատակարարումը բնակելի շենքերում եւ մի քանի սոցիալական օբյեկտներում: Այդ մասին հունվարի 20-ին հաղորդվում Է քաղաքի պաշտոնական կայքում, տեղեկացնում Է «Արմենպրես»-ը:
Հունվարի 20-ի գիշերը ճեղքված խողովակաշարից տաք ջուրը լցվել Է «Կարամել» փոքր հյուրանոցի շենք: Դրա հետեւանքով զոհվել Է հինգ մարդ, այդ թվում՝ մեկ երեխա, եւս վեցը տուժել են: «Պերմի ղեկավար Դմիտրի Սամոյլովն ստորագրել Է որոշում արտակարգ դրության ռեժիմ սահմանելու մասին»,- ասված Է հաղորդագրության մեջ: Պերմում այժմ մինուս 3 աստիճան Է, ձյուն Է գալիս, երեկոյան դեմ սպասվում Է մինչեւ 9 աստիճան սառնամանիք, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում