Ֆեդերերը և Ուիլյամսը հաղթանակով մեկնարկեցին «Australian Open»-ում
ԵՐԵՎԱՆ, 20 ՀՈՒՆՎԱՐԻ, ԱՐՄԵՆՊՐԵՍ: Ավստրալիական Մելբուռն քաղաքում մեկնարկեց «Մեծ սաղավարտի» տարվա առաջին մրցաշարը` «Australian Open»-ը:
«Արմենպրես»-ի հաղորդմամբ` կանանց մենախաղի առաջին շրջանում ԱՄՆ-ից Սերենա Ուիլյամսը երկու սեթերում առավելության հասավ ռուսաստանցի թենիսիստուհի Անաստասիա Պոտապովայի նկատմամբ:
Տղամարդկանց մենախաղում երեք սեթերից հետո մեկնարկային հաղթանակ տոնեց նաև Ռոջեր Ֆեդերերը. 1 ժամ 27 րոպե ձգված մրցախաղում նա հաղթեց Սթիվ Ջոնսոնին` 6:3, 6:2, 6:2 հաշվով:
Թենիսի «Մեծ սաղավարտի» այս տարվա առաջին մրցաշարի` Ավստրալիայի բաց առաջնության տղամարդկանց և կանանց մենախաղերին մասնակցում են 128-ական թենիսիստներ: Ավստրալական Մելբուռն քաղաքում ընթացող մրցաշարը տեղի է ունենում 107-րդ անգամ՝ 1905 թվականից: «Australian Open»-ի մրցանակային ֆոնդն այս տարի կազմում է 71 միլիոն ԱՄՆ դոլար: Տղամարդկանց մենախաղի գործող չեմպիոնը Նովակ Ջոկովիչն է, իսկ կանանցը` Նաոմի Օսական:
Բաժանորդագրվեք մեր ալիքին Telegram-ում