Ռուսաստանյան «Արմավիրը» սկսել է երևանյան ուսումնամարզական հավաքը
11:14, 20 Հունվար 2020
ԵՐԵՎԱՆ, 20 ՀՈՒՆՎԱՐԻ, ԱՐՄԵՆՊՐԵՍ: Ռուսաստանի ազգային լիգան ներկայացնող «Արմավիր» ֆուտբոլային թիմը նախապատրաստական շրջանի փուլերից մեկն անցկացնում է «Ուրարտուի» մարզաբազայում:
«Արմենպրես»-ի հաղորդմամբ` հունվարի 19-ին ռուսական ակումբի անձնակազմը ժամանել է Հայաստան, հանգրվանել «Ուրարտու» մարզաբազայում և սկսել ուսումնամարզական հավաքը, որը կընթանա մինչև փետրվարի 2-ը:
Հայաստանում «Արմավիրը» ստուգողական երեք հանդիպում կանցկացնի. հունվարի 24-ին «Ուրարտուի», հունվարի 28-ին «Վանի», իսկ փետրվարի 1-ին «Ալաշկերտի» հետ։
Բաժանորդագրվեք մեր ալիքին Telegram-ում