Մարիա Գևորգյանը Հայաստանի առաջնությունում 6-րդ անընդմեջ հաղթանակն է տոնել
20:20, 18 Հունվար 2020
ԵՐԵՎԱՆ, 18 ՀՈՒՆՎԱՐԻ, ԱՐՄԵՆՊՐԵՍ: Տիգրան Պետրոսյանի անվան շախմատի տանն ընթացող Հայաստանի կանանց շախմատի առաջնությունում կայացան 7-րդ տուրի պարտիաները:
«Արմենպրես»-ի հաղորդմամբ` այս տուրում հաղթանակներ տոնեցին Նարե Առաքելյանը, Մարիա Կուրսովան, Մարիա Գևորգյանը, Սուսաննա Գաբոյանը և Վերոնիկա Խաչատրյանը:
7-րդ տուրից հետո մրցաշարային աղյուսակի առաջատարը մնում է գործող չեմպիոն Մարիա Գևորգյանն, ով ունի 6 միավոր: 5,5 միավոր ունի Սուսաննա Գաբոյանը, իսկ 4,5 միավորով երրորդ տեղում է Աննա Խաչատրյանը: Առաջնության ավարտին մնաց երկու տուր:
Բաժանորդագրվեք մեր ալիքին Telegram-ում