Իրանի նախագահը հավանություն Է տվել Պենտագոնը ահաբեկչական կազմակերպությունների ցուցակում ներառելուն
15:58, 13 Հունվար 2020
ԵՐԵՎԱՆ, 13 ՀՈւՆՎԱՐԻ, ԱՐՄԵՆՊՐԵՍ: Իրանի նախագահ Հասան Ռոհանին հավանություն Է տվել Մեջլիսի (խորհրդարան) այն օրինագծին, որի համաձայն Պենտագոնը ճանաչվում Է ահաբեկչական կազմակերպություն: Այդ մասին հունվարի 13-ին հայտնել Է «Թասնիմ» գործակալությունը, տեղեկացնում Է «Արմենպրես»-ը:
Նախագիծն իրենից ներկայացնում Է անցյալ տարվա ապրիլին Իրանում ընդունված այն օրենքի ուղղումը, որի շրջանակում արգելված կազմակերպություն Է ճանաչվել ԱՄՆ-ի զինված ուժերի Կենտրոնական հրամանատարությունը (СЕНТКОМ): Այժմ ահաբեկիչների թվում ներառվում են Պենտագոնի բոլոր անդամները եւ նրա հետ կապված հաստատություններն ու կազմակերպությունները, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում