Ժամանակը Երևանում՝ 11:07:36,   28 Փետրվար

Արհեստական ինտելեկտը կվերափոխի Մեծ Բրիտանիայի հատուկ ծառայության աշխատանքը

Արհեստական ինտելեկտը կվերափոխի Մեծ Բրիտանիայի հատուկ ծառայության աշխատանքը
ԵՐԵՎԱՆ, 13 ՀՈՒՆՎԱՐԻ, ԱՐՄԵՆՊՐԵՍ: Մեծ Բրիտանիայի MI-5 հակահետախուզության ծառայության ղեկավար Էնդրյու Փարքերը կարծում Է, որ արհեստական ինտելեկտի կիրառումն արմատապես կփոխի գերատեսչության աշխատանքը, բայց չի փոխարինի մարդկանց: Այդ կարծիքը նա հայտնել Է հունվարի 13-ին Financial Times թերթում հրապարակված հարցազրույցում, տեղեկացնում Է «Արմենպրես»-ը:
Արհեստական ինտելեկտը թույլ կտա «գլուխ հանել հազարավոր մարդկանց վերաբերող տվյալներից՝ առավելագույնս մոտեցված իրական ժամանակին», սակայն ամեն դեպքում վերջնական որոշումը կընդունեն հատուկ ծառայության սպաները, համոզված Է նա:
Տեղեկատվության հավաքման գործում «հաջորդ քայլն», ինչպես կարծում Է Փարքերը, որն ապրիլին հեռանում Է հակահետախուզության ղեկավարի պաշտոնից, կդառնա մեքենայական ոուսուցումը (ուսուցումն այն ծրագրերի հիման վրա, որոնք ստեղծվել են արհեստական ինտելեկտի մեթոդների միջոցով՝ մեծ քանակությամբ տվյալների հիման վրա):
«Ես ասում եմ մի քանի հազար մարդկանց (գործունեության) հարցում մեր նպատակամետ շահագրգռության մասին, որոնց վերաբերյալ անհրաժեշտ Է ավելի շատ իմանալ»,- ասել Է MI-5-ի ղեկավարը: Նա ճշտել Է, որ յուրաքանչյուր կոնկրետ պահի գերատեսչությունը հետեւում Է մոտավորապես 3 հազար անձի, հաղորդել Է ՏԱՍՍ-ը:




https://zen.yandex.ru/id/5dee07a31e8e3f00ae3051c1
Tokyo 2020
youtube

Բոլոր նորությունները    


New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ