Ժամանակը Երևանում՝ 11:07:36,   19 Հունվար

Պողոսյանը Արցախի ընտրությունների ժամանակ Ադրբեջանի կողմից տեղեկատվական հարվածներ է կանխատեսում

Պողոսյանը Արցախի ընտրությունների ժամանակ Ադրբեջանի կողմից տեղեկատվական 
հարվածներ է կանխատեսում

ԵՐԵՎԱՆ, 9 ՀՈՒՆՎԱՐԻ, ԱՐՄԵՆՊՐԵՍ: Մարդկային զարգացման միջազգային կենտրոնի ղեկավար Թեւան Պողոսյանը թե Ադրբեջանում խորհրդարանական, թե Արցախում սպասվող համընդհանուր ընտրությունների շրջանում ադրբեջանական կողմից կանխատեսում է տեղեկատվական հարվածներ՝ հայկական կողմի:

«Արմենպրես»-ի հաղորդմամբ՝ Պողոսյանը նման տեսակետ հայտնեց հրավիրված ասուլիսում:

«Պետք է գիտակցել, որ ինչպես Ադրբեջանում ընտրությունների ժամանակ տեղեկատվական մեծ հոսքեր են գալու և հարվածներ են լինելու, այնպես էլ Արցախում նախընտրական շրջանում Ադրբեջանը փորձելու է տեղեկատվական հարվածներ հասցնել մեզ»,-ասաց Պողոսյանն ու հավելեց՝ պետք է պատրաստ լինել դա թույլ չտալու:

Պողոսյանն այս պարագայում կարևոր համարեց միասնականությունը: Նրա կարծիքով՝ Արցախի խնդրի բանալին գտնվում է հայկական կողմի՝ Հայաստանի և Արցախի ձեռքում: «Եթե մենք միշտ լինենք ավելի հզոր, ապա որևէ իրավիճակի փոփոխություն այդ հարցում չեմ կանխատեսի՝ բացի մի դեպքից, եթե չապահովենք մեր հզորությունն ու միասնականությունը»,-ասաց նա:




youtube

Բոլոր նորությունները    


Haypost

New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ