ԵՐԵՎԱՆ, 30 ԴԵԿՏԵՄԲԵՐԻ, ԱՐՄԵՆՊՐԵՍ: «Բիլայն» ընկերությունը դիմել է Հանրային ծառայությունները կարգավորող հանձնաժողով իրենց ընկերությունը («Վեոն Արմենիա» ընկերությունը`ապրանքանիշը «Բիլայն») Ucom ընկերությանը վաճառելու հարցով: Ինչպես տեղեկացնում է «Արմենպրես»-ը, այս տեղեկությունը հաստատեց ՀԾԿՀ մամուլի քարտուղար Լիանա Ազիզյանը:

«Հանձնաժողովը ստացել է գրություն, որով «Բիլայն» ընկերությունը խնդրել է համաձայնություն տալ գործարքին և այժմ այն գտնվում է ուսումնասիրության փուլում: Ըստ օրենքի` հանձնաժողովը պետք է համաձայնություն տա նշված գործարքին: Քանի որ գրությունը եղել է դեկտեմբերի 27-ի երեկոյան, գործընթացը ուսումնասիրության փուլում է»,- նշեց Ազիզյանը: