1000х90.jpg (78 KB)

Երևանում՝ 11:07,   28 Մարտ 2024

Տնտեսական բարեփոխումներն ավելի շոշափելի կլինեն. Էկոնոմիկայի նախարարն ամփոփել է անցնող տարին

Տնտեսական բարեփոխումներն ավելի շոշափելի կլինեն. Էկոնոմիկայի նախարարն 
ամփոփել է անցնող տարին

ԵՐԵՎԱՆ, 30 ԴԵԿՏԵՄԲԵՐԻ, ԱՐՄԵՆՊՐԵՍ: ՀՀ էկոնոմիկայի նախարար Տիգրան Խաչատրյանը վստահեցնում է, որ 2020 թ. տնտեսական բարեփոխումները լինելու են ավելի շոշափելի, իսկ դրանց արդյունքները՝ ավելի նկատելի:

 «Արմենպրես»-ի փոխանցմամբ՝ այս մասին նախարարը նշել է ՀՀ կառավարության «Ֆեյսբուք»-ի պաշտոնական էջում հրապարակված ամփոփիչ տեսահոլովակում:

«2020 թ. դիմավորում ենք այն վստահությամբ, որ բիզնեսն այսօր գործում է ազատ, անաչառ մրցակցության և հավասարության պայմաններում: Սա է ձեռներեցության զարգացման անշրջելի երաշխիքը նոր Հայաստանում, որտեղ գործարար ծրագրեր ունեցող յուրաքանչյուր մարդ հնարավորություն ունի անկաշկանդ իրագործել իր գաղափարը»,- նշել է նախարարը:

Տիգրան Խաչատրյանն անդրադարձել է նաև տարվա ընթացքում միջազգային մի շարք հեղինակավոր կազմակերպությունների կողմից Հայաստանի տնտեսության վերաբերյալ իրենց գնահատականի բարելավմանը՝ նշելով, որ այդ լավատեսական ազդակը փոխանցվում է մասնավոր հատվածին:

«Դրա ապացույցն է տարին 7 տոկոսը գերազանցող տնտեսական աճը, որն առաջատարն է Եվրասիական տնտեսական միության անդամ երկրների թվում: Այս տարի գրանցել ենք գործարար ծրագրերի կառավարության աջակցության ծավալի զգալի աճ, արդյունքում ստեղծվել են նոր կամ ընդլայնվել են արտադրություններ ամենատարբեր ուղղություններով»,- ընդգծել է Խաչատրյանը:

Նախարարը հավելել է, որ 2020 թ. ուշադրության կենտրոնում են պահելու նաև ինքնազբաղված տնտեսությունները:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]