Արոնյանը մեկ միավոր է զիջում արագ շախմատի ԱԱ-ի առաջատարին
11:05, 28 Դեկտեմբեր 2019
ԵՐԵՎԱՆ, 28 ԴԵԿՏԵՄԲԵՐԻ, ԱՐՄԵՆՊՐԵՍ: Հայաստանը ներկայացնող շախմատիստները շարունակում են ելույթները արագ շախմատի աշխարհի առաջնությունում:
«Արմենպրես»-ի հաղորդմամբ` Մոսկվայում ընթացող մրցաշարի 10 տուրերից հետո Լևոն Արոնյանն ունի 7 միավոր և մեկ միավորով է զիջում առաջատարներին: 6,5 միավոր ունի Գաբրիել Սարգսյանը: 6 միավոր է վաստակել Զավեն Անդրիասյանը:
Կանանց մրցաշարում Էլինա Դանիելյանն ունի 5,5 միավոր, իսկ Լիլիթ Մկրտչյանը հավաքել է 4 միավոր:
Դեկտեմբերի 28-ին կկայանան ևս 5 տուրեր:
Բաժանորդագրվեք մեր ալիքին Telegram-ում