ԱՄՆ-ը հարյուր միլիարդավոր դոլարներ Է կորցնում ճանապարհների խցանումների պատճառով
13:24, 26 Դեկտեմբեր 2019
ԵՐԵՎԱՆ, 26 ԴԵԿՏԵՄԲԵՐԻ, ԱՐՄԵՆՊՐԵՍ: Տեխասի Տրանսպորտի ինստիտուտը հաշվարկել Է ԱՄՆ-ի տնտեսության ամենամյա կորուստները ճանապարհներին գոյացող խցանումներից: Այդ մասին, ինչպես տեղեկացնում Է «Արմենպրես»-ը, հաղորդել Է CMBC-ն:
Նոր հետազոտության համաձայն՝ քաղաքային բնակիչները տարեկան միջին հաշվով 56 ժամ անցկացնում են խցանումների մեջ, ինչը Միացյալ Նահանգների տնտեսության վրա տարեկան 179 միլիարդ դոլար Է նստում: Նաեւ ճշտվում Է, որ ճանապարհներին կուտակումներից նյութական կորուստները տարեկան կազմում են շուրջ 1080 դոլար մեկ մարդու հաշվով: Բացի դրանից, խցանումներում կանգնելու ընթացքում գրեթե 12,5 միլիարդ լիտր վառելիք Է ապարդյուն կորչում:
Բաժանորդագրվեք մեր ալիքին Telegram-ում