Սննդամթերքի անվտանգությանն առնչվող մասնագիտությունները երիտասարդների համար գրավիչ պետք է լինեն
ԵՐԵՎԱՆ, 16 ԴԵԿՏԵՄԲԵՐԻ, ԱՐՄԵՆՊՐԵՍ: ՀՀ Կե սննդամթերքի անվտանգության տեսչական մարմնի որդեգրած թափանցիկ գործունեության սկզբունքն ուղղված է ոչ միայն հանրային վստահության բարձրացմանը, այլև ոլորտին առնչվող մասնագիտությունները երիտասարդների համար առավել գրավիչ դարձնելուն:
Ինչպես «Արմենպրես»-ին հայտնեցին Սննդամթերքի անվտանգության տեսչական մարմնի տեղեկատվության և հասարակայնության հետ կապերի բաժնից, այս նպատակով է նաև Տեսչական մարմնի ղեկավար Գեորգի Ավետիսյանն ընդունել Հայաստանի ազգային ագրարային համալսարանի վարժարանի աշակերտներին և ուսուցիչներին: Նա ներկայացրել է սննդամթերքի անվտանգությունը վերահսկող մարմնի կառուցվածքը, գործառույթներն, ընդգծել է ոլորտի կարևորությունը և դերը: Պարոն Ավետիսյանը խորհուրդ է տվել ամենայն պատասխանատվությամբ ընտրել մասնագիտությունը, տիրապետել դրա նրբություններին, ձգտել ամրապնդել գիտելիքները՝ անընդհատ սովորելով, ու հասնել լավագույն արդյունքերի:
ՀԱԱՀ-ի վարժարանի աշակերտներ համար հանդիպումը հետաքրքիր էր ու օգտակար: Կազմակերպված ուրախ վիկտորինային՝ սննդամթերքի անվտանգությանը վերաբերող հարցերով, նրանք մասնակցել են մեծ աշխուժությամբ ու ոգևորությամբ: