Տաշիրի տարածաշրջանում այրվել է մոտ 2 հա խոտածածկույթ
ԵՐԵՎԱՆ, 9 ԴԵԿՏԵՄԲԵՐԻ, ԱՐՄԵՆՊՐԵՍ: ՀՀ արտակարգ իրավիճակների նախարարության «911» ծառայությունը դեկտեմբերի 9-ին, ժամը 17:29-ին տեղեկություն է ստացել, որ Սարչապետ-Պրիվոլնոյե ավտոճանապարհի 4-րդ կմ-ին այրվում է խոտածածկույթ։
Դեպքի վայր է մեկնել ԱԻՆ փրկարար ծառայության մարզային փրկարարական վարչության հրշեջ-փրկարարական ջոկատի մեկ մարտական հաշվարկ:
Ինչպես «Արմենպրես»-ին տեղեկացրին նախարարության տեղեկատվության և հասարակայնության հետ կապերի վարչությունից, հրդեհը մեկուսացվել է ժամը 18։53-ին, մարվել՝ 19։18-ին։ Այրվել է մոտ 2 հա խոտածածկույթ։
Հրդեհաշիջման աշխատանքներին մասնակցել է «Հայանտառ» ՊՈԱԿ-ի «Տաշիրի անտառտնտեսություն» մասնաճյուղի 4 աշխատակից:
Կարծիքներ
Հարցազրույցներ
Փաստ մեկնաբանությամբ