ՀՌՇ զինծառայողները հարգել են Սպիտակի երկրաշարժի զոհերի հիշատակը
ԵՐԵՎԱՆ, 8 ԴԵԿՏԵՄԲԵՐԻ, ԱՐՄԵՆՊՐԵՍ: Ռուսաստանի Հարավային ռազմական շրջանի՝ Հայաստանում տեղակայված զինծառայողները Գյումրիում և Սպիտակում անցկացրել են Սպիտակի աղետալի երկրաշարժի 31-րդ տարելիցին նվիրված միջոցառումներ։
«Արմենպրես»-ի հաղորդմամբ՝ Հայաստանում Ռուսաստանի դեսպանության «Ֆեյսբուք»-ի էջում նշված է, որ Ռուսաստանի Հարավային ռազմական շրջանի Գյումրու և Երևանի կայազորերի զինծառայողները, նրանց ընտանիքների անդամները, ուժային կառույցների, դիվանագիտական կորպուսի ներկայացուցիչները և այլոք մասնակցել են երկրաշարժի զոհերի հիշատակին նվիրված հանրահավաքների, ծաղիկներ դրել նրանց հիշատակաը հավերժացնող հուշարձանին և Սպիտակի երկրաշարժի հետևանքները վերացնող խորհրդային զինվորների հուշարձանին։
ՀՌՇ զինծառայողները և «Յունարմիա» շարժման սաները մասնակցել են արիության դասին, որը զորամասի թանգարանում անցկացրել է Ռուսաստանի՝ Հայաստանում տեղակայված 102-րդ ռազմակայանի հրամանատարի ռազմա-քաղաքական աշխատանքի գծով տեղակալ, գնդապետ Ալեքսանդր Շուվալովը։
Հիշատակի միջոցառումներն ավարտվել են կայազորի Սպայի տան ակումբում Սարիկ Անդրեասյանի «Երկրաշարժ» ֆիլմի ցուցադրմամբ։