1000х90.jpg (78 KB)

ԱՄՆ դեսպանատան մոտակայքում բախվել են 3 մեքենա. կա տուժած

Armenpress 11:53, 22 Նոյեմբեր, 2019

ԵՐԵՎԱՆ, 22 ՆՈՅԵՄԲԵՐԻ, ԱՐՄԵՆՊՐԵՍ:  «911» ծառայությունը նոյեմբերի 21-ին ժամը 20:57-ին ահազանգ է ստացել, որ Երևանի Իսակովի պողոտայում ԱՄՆ դեսպանատան մոտակայքում տեղի է ունեցել ավտովթար. բախվել են 3 ավտոմեքենա: Այս մասին «Արմենպրես»-ին տեղեկացրին ԱԻՆ լրատվական ծառայությունից:

Դեպքի վայր է մեկնել ԱԻՆ ՓԾ Երևանի փրկարարական վարչության հրշեջ-փրկարարական ջոկատներից երկու մարտական հաշվարկ:

Պարզվել է, որ բախվել են «Mazda CX-9» (վարորդ՝ Ալեքսանդր Հ., ծնված 1953 թ.), «Mercedes C» (վարորդ՝ Արամ Հ., ծնված 1992 թ.), «Mercedes R» (վարորդ՝ Նարեկ Մ., ծնված 1993 թ.) մակնիշների ավտոմեքենաները: 

Մինչ փրկարարների՝ կանչի վայր հասնելը «Mazda CX-9» ավտոմեքենայի ուղևոր Էռնեստ Հ.-ն (ծնված 1979 թ.) հոսպիտալացվել է «Աստղիկ» ԲԿ, այնուհետև տեղափոխվել «Արմենիա» ՀԲԿ, որտեղ բժիշկները տուժածի առողջական վիճակը գնահատել են կայուն ծանր:



Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ contact@armenpress.am