ԵՐԵՎԱՆ, 19 ՆՈՅԵՄԲԵՐԻ, ԱՐՄԵՆՊՐԵՍ: Թուրքիայի Մանավգատ քաղաքում, կայացավ Եվրոպայի մինչև 19 տարեկանների 2020թ․ առաջնության որակավորման խմբային փուլի վերջին տուրի Հայաստան-Չեռնոգորիա հանդիպումը։

«Արմենպրես»-ի հաղորդմամբ՝ այս մասին գրում է ՀՖՖ-ն: Խաղն ավարտվեց ոչ-ոքի՝ 3:3 հաշվով: Մեր թիմի կազմում երկու գոլի հեղինակ դարձավ Ժիրայր Շաղոյանը, մեկ անգամ՝ Գևորգ Տարախչյանը: 

Հայաստանի Մ-19 հավաքականը հանդես եկավ հետևյալ կազմով՝ 1․ Հարություն Մելքոնյան, 2․ Վոլոդյա Սամսոնյան, 3․ Կարեն Մուրադյան, 6․ Նարեկ Աղասարյան, 7․ Սերգեյ Մկրտչյան, 8. Նարեկ Ալավերդյան (11. Ժիրայր Շաղոյան, 46՛), 9․ Արամ Քոլոզյան, 10․ Նարեկ Գրիգորյան (22. Գևորգ Տարախչյան, 77՛), 14․ Արսեն Գալստյան (19. Ռադիկ Սարգսյան, 84՛), 17․ Արտակ Ասատրյան (5․ Պետրոս Մանուկյան, 46՛), 20․ Երջանիկ Ղուբասարյան (21. Գրենիկ Պետրոսյան, 88՛)։