Վարչապետը ՊՎԾ-ին հանձնարարել է ուսումնասիրել ներդրումներին պատշաճ արձագանքելու հարցը
ԵՐԵՎԱՆ, 14 ՆՈՅԵՄԲԵՐԻ, ԱՐՄԵՆՊՐԵՍ: Հայաստանը դեռևս չունի ներդրումային առաջարկություններին բավարար արագությամբ արձագանքող մեխանիզմ: ՀՀ վարչապետ Նիկոլ Փաշինյանը Պետական վերահսկողական ծառայությանը հանձնարարել է ուսումնասիրություններ իրականացնել այդ ոլորտում: «Արմենպրես»-ի հաղորդմամբ՝ վարչապետ Նիկոլ Փաշինյանն այս մասին հայտնեց Հայաստանում Ամերիկյան առևտրի պալատի տարեվերջյան միջոցառմանն իր խոսքում:
«Կարող ենք արձանագրել, որ այն դաշտը, որի վրա պետք է կառուցվի նոր տնտեսական հարաբերությունը, պատրաստ է: Պետք է խոստովանել, որ այսօր մենք դեռևս չունենք ներդրումային առաջարկություններին բավարար արագությամբ արձագանքող մեխանիզմ: ՊՎԾ-ին հանձնարարել եմ, որ ուսումնասիրություններ իրականացնի այս ոլորտում, որ հասկանանք, թե որտեղ, որ մարմիններում, կառույցներում պատշաճ ձևով ընթացք չի տրվում ներդրումային առաջարկներին»,-ասաց վարչապետը:
Նա նկատեց՝ դրանից հետո կարող են օրենսդրական որոշակի հետևություններ անել: