ԵՐԵՎԱՆ, 20 ՀՈԿՏԵՄԲԵՐԻ, ԱՐՄԵՆՊՐԵՍ: Հայաստանի տարածքում հոկտեմբերի 20-ի ցերեկը, 21-22-ն առանձին շրջաններում սպասվում է կարճատև անձրև և ամպրոպ: Հոկտեմբերի 23-25-ն սպասվում է առավելապես առանց տեղումների եղանակ:

Քամին կլինի հարավ-արևելյան՝ 3-8 մ/վ արագությամբ:

Օդի ջերմաստիճանը 20-21-ի ցերեկը աստիճանաբար կնվազի 4-5, իսկ Արցախում և Լոռիում, Տավուշում, Սյունիքում՝ 7-8 աստիճանով։

Ինչպես «Արմենպրես»-ին տեղեկացրին ՀՀ արտակարգ իրավիճակների նախարարության տեղեկատվության և հասարակայնության հետ կապերի վարչությունից, հոկտեմբերի 20-ի ցերեկը և 21-ին Երևանի առանձին հատվածներում սպասվում է կարճատև անձրև և ամպրոպ: Հոկտեմբերի 22-25-ն սպասվում է առանց տեղումների եղանակ: