Մերկելն անհրաժեշտ Է համարել վերադառնալ Սիրիայի իրադրության շուրջ բանակցություններին
ԵՐԵՎԱՆ, 15 ՀՈԿՏԵՄԲԵՐԻ, ԱՐՄԵՆՊՐԵՍ: Սիրիայի համատեքստում առկա տարաձայնությունները հարկավոր Է կարգավորել բանակցությունների ճանապարհով: Այդ մասին, ինչպես տեղեկացնում Է «Արմենպրես»-ը, հոկտեմբերի 15-ին Բեռլինում հայտարարել Է Գերմանիայի կանցլեր Անգելա Մերկելը՝ ելույթ ունենալով Նորվեգիայի վարչապետ Էռնա Սուլբերգի հետ անցկացված մամուլի ասուլիսում:
«Մենք անհանգստությամբ ենք հետեւում Սիրիայի իրադրությանը,-ասել Է Մերկելը:-Ես արդեն ասել եմ, որ այդ ռազմական գործողությունը պետք Է կանգնեցնել եւ վերադառնալ բանակցություններին»: Նա հիշեցրել Է, որ «անվտանգության ոլորտում Թուրքիայի բոլոր արդարացի շահերի» հաշվառմամբ հանդերձ Բեռլինը չի պաշտպանում այդ գործողությունը:
Այդ գործողության ֆոնին Գերմանիայի կառավարությունը որոշել Է կասեցնել զենքի մատակարարումները Թուրքիային, հաղորդել Է ՏԱՍՍ-ը: