Թրամփը ՌԴ-ում դեսպան կնշանակի ԱՄՆ-ի պետքարտուղարի տեղակալ Սալիվանին. The Wall Street Journal
ԵՐԵՎԱՆ, 11 ՀՈԿՏԵՄԲԵՐԻ, ԱՐՄԵՆՊՐԵՍ: ԱՄՆ-ի նախագահ Դոնալդ Թրամփը պատրաստվում Է պետքարտուղարի առաջին տեղակալ Ջոն Սալիվանին նշանակել Ռուսաստանում Միացյալ Նահանգների դեսպան: Այդ մասին, ինչպես տեղեկացնում Է «Արմենպրես»-ը, հոկտեմբերի 11-ին հայտնել Է The Wall Street Journal թերթը՝ վկայակոչելով աղբյուրներ:
Պետդեպարտամենտի՝ անունը չնշված աղբյուրի տվյալներով՝ Մոսկվան համաձայնել Է Սալիվանին հավատարմագրել այդ պաշտոնում:
2019 թվականի հոկտեմբերի 3-ին ավարտվել են Ջոն Հանթսմանի լիազորությունները Ռուսաստանում ԱՄՆ-ի դեսպանի պաշտոնում: Նա Ռուսաստանում ԱՄՆ-ի դիվանագիտական առաքելության ղեկավար Էր նշանակվել 2017 թվականի հոկտեմբերին, հաղորդել Է ՏԱՍՍ-ը: